سد باب گلبک بعد لا تفتح طریقه وعّــــــــــر

مرات الحباب متعنین اجوله وعـــــــــــــــــــر

حیف الوکت ما قراء بدروسه او جماله اوعـــــر

سریال عشگک ثبت بگلیبی او بحره نشــــــــف

برکان ثاره ابغضب من هجرک او مایه ناشـــــف

جسیته مرات یبست طینته من نشّـــــــــــــــف

گلبی ابحبک ثبت جاهه او حنانه واعـــــــــــــر

 

اچم مره الگلب سبـــــــــــــــــک و رادک

ابسبب تختاض من حبــــــــــــــک ورداک

تشمنی لو اشم خـــــــــــــــــدک و رودک

اذا شمیتک اجتاز المنـــــــــــــــــــــــیه

 

الولف سهّر دلیلی من هجانـــــــــــــــه

الهوا دگ باب گلبی من اجانــــــــــــه

نسیم الود لفانه منه اجانــــــــــــــــــه

الگلب فرحان و ابجیته المنـــــــــــــیه

 

یلّی خنت الخوه وین المرجله

اتحزمت بحزام شرک لل فله

 

اتحزمت و اتصیح یا ثار المضی

جمعّت شبانها ابدار القضی

بل کذب و المکر منشار ابفضاء

فردشت بل غیبه میة عایله

 

اتصطر ابحچیک او تلمض لل قریب

چای حار اتشربه ابلیه نصیب

فکر الباچر مماتک یا غریب

حضر الرگبه الچوی المنقله

 

شایب او ابیض صفه شعرک یخوی

بل لجاجه سایر ابدربک یبوی

فاتنتهه ازغار واکبار او تموی

لازمه ازنود التفگ و امچیله

 

نوبه تربث نوبه تفرض یا لعین

اتطرطر ابطن البرگ تعرض حنین

جوز من هل فتن لا تگرض معین

هل عمر خلص شطاره ابمهزله

 

ناس تعبانه و اتصطر الهم کذب

اتشرب ابخابط او توصفهم عذب

ما تخاف الوکت دایم منگلب

سیل هادر تغرگ انته ابسنبله

 

لابس العار او تسن بس بل عداء

وجهک امحبب او رجلک بل نداء

حیف ربک صانعک چن گرگده

طولک او عرضک شبیه الچندله

 

ولک طشرت الحموله والعرب

شاب راسک ملک موتک هل گرب

واگف اگبالک او بل برگه سرب

حاط حبله ابعصی الک علطاوله

 

والله ملینه او تعبنه ابفکرتک

العن اباها و امهه الولدتک

عافت المستحی سبهه الجابتک

یوم اسود صرت بیه کل البله

 

الله و اکبر هل خبث شتت اعیال

انترست المگبره بجثاث الاطفال

اتیتمت الاف و انطردت اشبال

هل فتن گصص رگاب ابمنجله

 

اتعدت اسنین او ترکت الی یبیک

من شراک او شاورک من یشتریک

ترضی بل غیبه یجد من یعتریک

حتما اتطوف الحچی واتلملمه

 

لو تعصب لو تدگ تلطم سدور

لو یبخر فمک نشرات البخور

بایع الخوه ابشدات الزهور

طامع ابدنیاک شرک حمّله

 

الله یلعن کل نحیس البل عمام

الله یخزی کل فریس الماینام

الله یحرم جنته بس لل فهام

نار مشتعله اعلی جثته المایله

 

تدری انه اویاک قصدی و افتهم

جیت اشد ویاک عهدی و انتعم

جاک عزراییل سندی ینتقم

جوز من النمنمه و البلبله

 

 

ابوذیات الوان العتب

ارسلت طارش الک مختص بلیاک

او ثبت بالقاک ما عایش بلیاک

اترکت لک حبک او ذنبک بلیاک

اشترید اتگول لو تزعل علیه

***

ابعدت و الگلب من ضیمک تری سل

ابجفاک الدمع هل وانثر تری سل

رسایل تکتب الغیری تری سل

تسلی الروح وآنه النار بیه

***

یشهر الخیر عاود عد علینه

ابفرح و ابمزح و انصر عد علینه

اخذنه او طوف بینه عد علینه

او نزور ابکربلا او نرجع سویه

***

العمر خلص وفر ینزل و عتنی

شباب او قاصد احلامی و عتنی

بیاض اللحیه من نومی وعتنی

احس بالموت یتگرب علیه

***

الف صاحب سکن گلبی والف خل

اعزّب للگصد داری والف خل

ولا واحد وفه ابگلبی و الف خل

کلوا شهدی او اناه کسروه علیه

***

شسولف و الدهر حنضل علی صار

خفانی او مرمر اریاگی علی صار

امیر او ما قبل عذری علی صار

اذا حتی علی حافه ابردیه

***

انهض ورد للكاع واتجه باثنین
صوبنی وسط احشای من طكنی البین
الباء
بالطیف اشوف اهوای هم هذه كافی
تنكط عسل یا ناس شفته عله شفافی
التاء
تركض تلم افلوس شكد راید اتعیش
والجفن مابیه جیب مثل الدشادیش
الثاء
ثلثین الك بالكلب وبثلثی الك ثلثین
وثلثین الك بالثلث هیجی التوده العین
جیم
جمره ابظلام حشای تسعر وداری
تاكل اكل بالروح لیلی ونهاری
حاء
حیف العمر اكضیه ونه اعله ونه
یشبع بواجی او یای البیه محنه
خاء
خلالی ونه وراح ایا ولیفی
مامش عزیز یموت وابجی اعله كیفی
دال
دفتر شعر سویت من جور الایام
احروفه ضیم الروح جلماته الایام
ذال
ذب شصك وبعدین تصفه القضیه
لو سجن سبع سنین لو تطی دیه
راء
رحت انه للدكتور شاورنی بسكوت
لو ولفك یحاجیك لو باجر تموت
زاء
زین البخت ویاك واصل لهلحد
احفر كبر للمات كالو كعــــــــد
سین
سلانی سل فركاك سوانی شعره
وانطبك ست طبكات واطرك بالبره
شین
شعطلك شبطاك مو عاده الك های
روحی اخلصت بجفاك واتمرد اجلای
صاد
صد بعد ما تسوین غبره انتی یالدار
من عكب ذاك النور غاطیج الاغبار
ضاد
ضمیتك ابكلبی وكتلك امر
ترجع بعد لیش تسمع حجی القشامر
طاء
طیفك بنص العین كل لیله ضیفی
بعیونك الحلوات هم یمر طیفی
ظاء
ظلمه وتدور اعلیك روحی شجاها
متولعه بیك اسنین خله بهواها
عین
عرجه وكسرنی البین وبعیونی ما شوف
جابولی طاری هوای كمت ازحف ازحوف
غین
غصبن علیه الروح جابتنی اشوفك
جثرله بالصدمات بلجن تعوفك
فاء
فرحتنه بالمحبوب طلعت حلم نوم
مثل السراب وراح ما یبكه للدوم
كاف
كف كافی كف ارجوك كف كافی واسكت
البنیه التحب اثنین هم تنحسب بــــــــــــت
لام
لانی عدل لامیت عكبك یغالی
تاركنی بالحسبات وانته اعله بالی
میم
100 هله ابها لطول اعتاب الی اویاك
اتنازع اوی الموت كله اعله فركاك
نون
نهجم بیته الكال بالعشره راحه
كل عاشك اتمر بیه ناصب مناحه
هاء
همك وهم الناس وهم الهموم
لو وحده منهن بیك ما تكدر اتكوم
واو
واحدكم اعله الموت یكبل ولا یهاب
لانفسه تحمل لوم لایحمل اعتــــاب
یاء
یا كلبی حرت اویاك وانشده فكری
من عاشرت وهویت حاربنی دهری
ارجو ان وفقت فی ما قدمت
-------------------------
أبتلیت وشال كلبی بابلیة
ومنـك خذت بابـل بابلیـة
بعد للبیت ماحـط باب لیة
شتلعتهة بدكتك یعطلك علیة